Vazhdojnë të vijnë rrëfime rrëqethëse nga Thumana për punën e Ushtrisë së Kosovës në përpjekje për të shpëtuar sa më shumë jetë pas tërmetit që shkaktoi shumë viktima.
Në një lidhje direkte për “Debat Plus” në RTV Dukagjini, një familjar, i cili thotë se ka nën rrënoja shumë familjarë, ka falënderuar shumë ushtarët e Kosovës.
“Rreth orës 2:00 forcat ushtarake të Kosovës kanë shpëtuar nga rrënojat djalin e xhaxhait Albert Cara. Para 20 minutash forcat e Kosovës kanë nxjerrë edhe vajzën e xhaxhait, e cila është nisur me urgjencë drejt spitalit ushtarak”.
Naim Haziri – Gjeneral brigade në FSK
Denis Pitarka – Plisat
Hamdi Sylejmani –Profesor i statikes
Uran Haxha – Ndërtimi.info
Shemsi Mustafa – Drejtor i Institutit Seizmologjik të Kosovës
Cara thotë se fatkeqësia i ka goditur rëndë por thotë se nuk mund të harrojë kontributin e Kosovës.
“Forcat e Kosovës kanë rrezikuar edhe jetën e tyre për të shpëtuar jetën e Linditës. Katër anëtarët tjerë të familjes i kam nën rrënoja dhe lusim Zotin që të na fal dhe të kemi durim. Kemi mundur të humbim edhe shtatë anëtarë të familjes”.
Banori i Thumanës thotë se kjo është tragjedia më e madhe e jetës së tij të cilën “kurrë nuk do të mund ta harrojë”
