Në 22 vjetorin e bombardimeve të Aleancës Veri-Atlantike (NATO) kundër ushtrisë serbe në Kosovë, diplomacia ruse shpërndanë një lajm të rremë duke propaganduar se njëra nga viktimat shqiptare është viktimë serbe.
Me anë të një shkrimi në Twitter, Ambasada ruse në Afrikë të Jugut ka shpërndarë fotografinë e Sherife Lutës me fëmijën e saj në krahë, duke pretenduar se është viktimë serbe.
Pas këtij postimi, ka reaguar aktivisti Shpend Lila, duke thënë se Serbia është bombarduar pikërisht për t’i ikur gjenocidit serb në Kosovë.
“Hej Rusi, zonja së bashku me fëmijën në foto është arsyeja pse Serbia u bombardua. Emri i saj është Sherife Luta, “duke vrapuar” për t’i mbijetuar gjenocidit serb në Kosovë”, ka shkruar Lila në Twitter.
Nuk është hera e parë që Rusia propagandon me fotografinë e Sherife Lutës, pasi ka pasur raste që këtë personazh e kanë përdorur edhe gjatë luftës në Ukrainë.