Edi Rama
Kryeministri i Shqipërisë, Edi Rama ka thënë se kompania holandeze e derivateve ka zbuluar sasi të mëdha nafte dhe gazi në Shqipëri.
Në fjalën e tij, Rama ka theksuar se ky zbulim do të ndikojë në të ardhmen e vendit dhe atë energjetike të Evropës.
“Holanda e pranishme në Shqipëri. Ne kemi shumë shpresë se së shpejti mund të ndajmë me opinionin tonë publik, rajonal dhe përtej rajonit, një zbulim shumë të rëndësishëm që kompania holandeze ‘Shell’ po arrin në vendin tonë. Ata hezitojnë për momentin të flasin për shifra. Shenjat tregojnë se mund të jemi pranë një zbulimi shumë të rëndësishëm të gazit dhe naftës në nëntokë, që do të ndikojë të ardhmen e vendit tonë, por edhe do të luajë rol në të ardhmen energjetike të Evropës”, tha Rama.
Ndërkohë, ministrja e Infrastrukturës dhe Energjisë, Belinda Balluku, tha se ky do të jetë një zbulim i madh.
“Sa i takon energjisë, ‘Shell’ po punon në Shqipëri prej kohësh dhe ne po presim me padurim rezultatin e eksplorimit që do të jetë një zbulim i madh, por pa na dhënë detaje për atë çka presim. Shqipëria do të prodhojë sasi të rëndësishme gazi dhe nafte, e ndarë në 40% gazi dhe nafte 60%”, ka thënë ajo.
Shqipëria ka pasur edhe më herët sasi të naftës dhe gazit.