Qeveria e Malit të Zi në seancën e 51-të ka vendosur që çdo komunë në veri t’i ndajë nga një milion euro.
“Lajm i mirë për veriun e Malit të Zi”, tha kryeministri Dritan Abazoviq.
Ministri i Zhvillimit Ekonomik, Goran Gjuroviq, tha se mjetet e marra nga programi i qytetarisë ekonomike do të shkojnë në Kollashin, Mojkovac, Shavnik, Bjello Pole, Andrijevicë, Rozhajë, Berane, Guci, Plavë, Petnjicë, Plluzhinë, Zhablak dhe Plevle.
“Fondet e përmendura të bashkisë do të mund të përdoren për nevojën, përgatitjen dhe rishikimin e dokumentacionit teknik, përgatitjen e studimeve, shpalljen e tenderëve, fillimin e procedurës së shpronësimit, si dhe kryerjen e punimeve dhe realizimin e projekteve zhvillimore. ”, tha Gjuroviq.
Kryeministri ftoi kryetarët e komunave të propozojnë projekte.
Ministri i Bujqësisë, Vlladimir Jokoviq, ka bërë të ditur se do të sigurohen borëpastruese për komunat veriore. Ai po ashtu në seancë njoftoi se do të solidarizohet me Millosh Rajkoviqin dhe se do të ndajë mendimin e tij lidhur me propozimin për shkarkimin e tij.
Abazoviq theksoi se kompania ajrore kombëtare “To Montenegro” tani po shënon rezultate të mira.
“Falënderoj ish-drejtorin, tani kemi një njeri që nuk është nga Mali i Zi. Mendoj se është mirë të provojmë me të huajt”, tha ai.
Ministri i Punëve të Brendshme, Filip Axhiq, tha se marrja e uniformave të reja është lajm i mirë për policët.
Për pjesën e mbyllur të seancës janë planifikuar tri pika.
Seanca e Qeverisë filloi me një minutë heshtje për shkak të tragjedisë në Beograd, kur një i mitur vrau tetë nxënës dhe një roje në shkollë