Departamenti i Shtetit i Shteteve të Bashkuara të Amerikës (SHBA) ka njoftuar se do ta rrisë thirrjen e tij “Mos udhëto” në rreth 80% të vendeve në botë, përfshirë Kosovën, duke treguar një “rrezik të paparë për udhëtarët” për shkak të pandemisë së Covid-19, raporton Reuters.
“Ky azhurnim do të rezultojë në një rritje të konsiderueshme të numrit të vendeve në Nivelin 4: “Mos udhëtoni “, në 80% të vendeve në botë”, tha DASH në një deklaratë.
Departamenti më parë kishte renditur 34 nga rreth 200 vende në nivelin 4, duke përfshirë vendet si Çadi, Kosova, Kenia, Brazili, Argjentina, Haiti, Mozambiku, Rusia dhe Tanzania. Shtimi i këtij numri në 80% të vendeve të botës do të përkthehej në shtimin e afërsisht 130 vendeve të tjera në këtë listë.
Shumica e amerikanëve tashmë ishin parandaluar udhëtimin në pjesën më të madhe të Evropës për shkak të kufizimeve të vendosura nga pandemia e Covid-19. Washingtoni ka ndaluar pothuajse të gjithë shtetasit jo-amerikanë të cilët kanë qenë kohët e fundit në vendet evropiane, Kina, Brazili, Irani dhe Afrika e Jugut.
Departamenti i Shtetit tha se masa nuk nënkupton një rivlerësim të kushteve aktuale shëndetësore në disa vende, por “pasqyron një rregullim të sistemit të këshillimit të udhëtimit të Departamentit të Shtetit për t’u mbështetur më shumë në vlerësimet ekzistuese epidemiologjike (nga Qendra e Kontrollit dhe Parandalimit) Kontrolli i Sëmundjeve, CDC)”.
CDC nuk iu përgjigj kërkesës së Reuters për koment.
Në fillim të këtij muaji, CDC njoftoi se të vaksinuarit kundër Covid-19 mund të udhëtojnë në mënyrë të sigurt nëpër Shtetet e Bashkuara të Amerikës me “rrezik të ulët”, por drejtoresha e CDC-së, Rochelle Walenksy dekurajoi amerikanët për ta bërë këtë për shkak të numrit të lartë të rasteve me koronavirus në vend.