Kryeministri i Malit të Zi, Dritan Abazoviq, do ta vizitojë nesër (e mërkurë) Serbinë dhe pritet ta takojë presidentin serb, Aleksandër Vuçiq dhe kryeministren Ana Brnabiq për të diskutuar çështjet e hapura në mes të dy vendeve.
Abazoviqi do ta udhëheqë delegacionin prej 11 zyrtarëve përfshirë, ministrin e Agrokulturës, ministrin e Financave dhe ministren e Planifikimit Urban.
Sipas qeverisë malazeze, Abazoviqi do të bisedojë me zyrtarët serbë për temat aktuale dhe çështjet tjera të bashkëpunimit në mënyrë që të përmirësojë dialogun politik dhe të forcojë marrëdhëniet bilaterale.
Disa nga çështjet që kanë qenë pengesë mes Podgoricës dhe Beogradit janë ekstradimi i ish-presidentit të unionit Serbi-Mali i Zi, Svetozar Maroviq, mungesa e ambasadorëve në dy shtetet dhe ndalimit të deputetëve të Malit të Zi në kufi që votuan pro rezolutës për Srebrenicën