Kërkimet dhe arrestimet e personave të dyshuar nga policia për trafikun e drogës janë duke u zhvilluar në disa qytete të Malit të Zi. Në Ulqin, anëtarët e Sektorit për Luftën kundër Krimit të Organizuar dhe Korrupsionit janë duke kontrolluar shtëpitë e disa personave me interes të sigurisë.
“Kërkimet janë duke u zhvilluar në 30 lokacione në disa qytete malazeze. Anëtarët e këtij grupi të organizuar kriminal dyshohet se kanë kontrabanduar 2.5 tonë marihuanë,” kanë thënë nga policia. Aksioni menaxhohet nga Departamenti për luftën ndaj Trafikimit të Drogave, i cili është në atë Sektor dhe së shpejti pritet më shumë informacion nga Drejtoria e Policisë.