Bashkëvendsja e jonë Arta Vuçetaj Balaj kandidate në zgjedhjet në Kosovë. Përmes nje pronocimi publik ajo apelon per përkrahje dhe mbështeje në fushaten e saj për zgjedhje.
Postimi i plotë i saj:
Kam kënaqësinë të ju informoj për besimin që kam marrë nga LDK – Dega në Istog për të qenë kandidate e listës për Kuvendin Komunal, e renditur me numrin 21, e cila udhëhiqet nga kandidati për Kryetar Komune z.Ilir Ferati.
Si grua, si nënë dhe (mbi të gjitha) si qytetare që jam në komunikim të përditshëm me familjet e Istogut me rrethinë do të ndihesha e nderuar nëse më jepni mundësinë t’i dërgoj kërkesat e secilit atje ku dëgjohen dhe shqyrtohen dhe të punoj çdo ditë drejt realizimit të tyre.
Ftesa për të qenë kandidate e listës është privilegj dhe përgjegjësi. Të gjithë ata që më njohin e dinë se sa e rëndësishme është për mua realizimi i secilës detyrë deri në detaje dhe po këtë frymë pune do të doja ta vazhdoj edhe atje ku mund të kontribuoj për kauza më të mëdha.
Falënderoj kryesinë e nëndegës Lluga – Llukac i Begut dhe kryesinë e degës për besimin e dhënë dhe të gjithë ata që në vazhdimësi kontribuojnë që LDK-ja të jetë parti e hapur, demokratike e mbi të gjitha parti për zhvillimin e vendit tonë.
Biografia e kandidates për Kuvendin e Komunës së Istogut nga Lidhja Demokratike e Kosovës, dega në Istog, Arta Balaj
Arta Balaj, lindur më 5 Janar 1990, në Guci të Malit të Zi. Shkollimin e filloi në qytetin e lindjes, në shkollën fillore “Xhafer Nikoçeviq” në Guci dhe tri vitet e para i përfundoi aty. Në vitin 2000 kur ishte vetëm 10 vjeç, së bashku me familjen shpërngulet në Pejë ku e vazhdoi pjesën tjetër të shkollimit dhe aktivitetet e shumta jashtë-shkollore.
Shkollën e mesme e ka të përfunduar në Gjimnazin “Bedri Pejani” në Pejë. Në vitin 2009 i filloi studimet themelore për gjuhë dhe letërsi angleze, në Fakultetin Filologjik të Universitetit Publik “ Hasan Prishtina” në Prishtinë. Arta është në përfundim të studimeve pasdiplomike për gjuhë angleze në drejtimin Mësuesi në gjuhë angleze në Universitetin Publik “Luigj Gurakuqi” në Shkodër. Është njohëse e gjuhës angleze dhe serbokroate.
Në vitin 2014, filloi punën si mësimdhënëse në shkollën private për gjuhë të huaja “Elohim Center ” SHPK në Pejë. Për tri vite sa ishte pjesë e këtij institucioni ajo u zhvillua në aspektin personal dhe profesional dhe u dallua në dhënien e kontributit përtej detyrave të përditshme të punës më nxënës.
Në vitin 2017 Arta hap shkollën për mësimin e gjuhës angleze “English World Center” SHPK në Istog si pronare dhe mësimdhënëse e kësaj shkolle. Fal aftësisë së dalluar në mësimdhënie, organizimit të mirë të kohës, detyrave dhe menaxhimit të duhur në këtë shkollë u shtua intensiteti i punës, kjo bëri që numri i nxënësve të rritej nga dita në ditë dhe ky hap të rezultonte me sukses të plotë. Është e angazhuar gjatë gjithë kohës në ofrimin e cilësisë maksimale në punë, në grupet e të gjitha moshave.
Është kandidate për anëtarë të Kuvendit të Komunës së Istogut nga Lidhja Demokratike e Kosovës – Dega në Istog e renditur me numrin rendor 21, e cila udhëhiqet nga kandidati për Kryetar Komune z.Ilir Ferati.
Është e martuar në Istog dhe ka 2 fëmijë. Arta është vajza e bashkëvendasit tonë Fadil (Salih) Vuçetaj.