Gjurmët e rrugës automobilistike nga Qafa e Thores për në pikën Turistike te Thethit janë zhduku nga dëbora e cila në segmente të caktuara shkon deri në pesë metër.
Borëpastrueset kanë tentuar disa here që ta pastrojnë por orteqet e njëpasnjëshme nuk lejojnë avancimin, raporton Top Channel.
Kjo është edhe pika fundore ku kanë shkuar borëpastrueset dhe nuk mund te vazhdohet me tej. Nga këtu e deri ne Theth duhen të paktën edhe tre orë ne këmbe. Kjo ka paralizuar jo vetëm lëvizjen e banorëve por edhe turizmin në Theth.
Borëpastrueset punojmë vetëm gjatë pasdites pasi më herët, temperaturat favorizojnë shkëputjen e dëborës nga malet.
Katër vite me parë, kur qeveria prezantoi projektin e rrugës, banoret e Thethit e kundërshtuan ndërtimin e saj me tre tunele të vegjël pasi sipas tyre, zona ka orteqe të shumta dhe kërkuan 1 tunel te vetëm, 2 kilometër, qe do te shmangte dëborën dhe bllokimin, por kërkesa e tyre nuk u dëgjua dhe këto janë rezultatet.