Të reshurat e dëborës të cilat e kanë përfshirë rajonin e Malit të Zi kanë shkakëtuar dëme të mëdha.
Tash e tri ditë Plava e Gucia janë pa furnizim me energji elektrike.
Ekipet e CEDIS-it janë në terren dhe punojnë në evitimin e prishjeve.
Sipas informatave nga terreni qindra shtylla elektrike janë shkatërruar ose janë dëmtuar nga dëbora e po ashtu është duke u punuar në rregullimin e prishjeve në lartëpërçues.
Për shkak të kohës së keqe që mbretëron akoma, nuk është e sigurtë se kur do të evitohen prishjet në sistemin energjetik dhe kur do të normalizohet furnizimi me energji elektrike. /Plava e Gucia Sot