Forca e Sigurisë së Kosovës ka bërë të ditur se kadeti Enderon Vuthaj ka diplomuar me sukses në Akademinë e Forcave Ajrore të Shteteve të Bashkuara të Amerikës (ShBA), gjenerata 2025.
FSK thekson se po i shtohen kuadro të përgatitura nga akademitë ushtarake më prestigjioze në botë.
“Forcës së Sigurisë së Kosovës po i shtohen kuadro të përgatitura nga akademitë ushtarake më prestigjioze në botë.
Enderoni për katër vite ka ndjekur shkollimin profesional së bashku me kadet nga mbarë bota pranë Akademisë Ushtarake Ajrore të ShBA-së, dhe do të bashkohet oficerëve të FSK-së për të dhënë kontributin e tij në ngritjen dhe avancimin e FSK-së, dhe për të kontribuar në ruajtjen e paqes dhe sigurisë në rajon dhe më gjerë krah për krah me partnerët tanë”, thuhet në njoftim. /Telegrafi/
