Kalorësi emblematik , Zymer Haxha Ahmetaj , që gjithnjë ka qënë në memorjen time , i paharruar ,me nxiti të shkruaj diçka për këtë figurë që ka lënë emër në tërë luginën e Plavë e Gucisë , në Rugovë , Pejë e Gjakovë dhe më gjërë si njē vlerë historike për kulturën dhe traditat tona të Atyre Anëve.
Nuk ka patur dasma Vuthajsh dhe në të gjitha ato anë që permënda që t ‘mos ishte kalorēsi fluturues i dasmave Vuthjane e më gjërë ,Zymer Haxha Ahmetaj.
Kali i tij ,gjogu , pak thinjosh , do ftohej bashkë me të zotin pêr vetë faktin ,se kali i Zymer Haxhes fitonte gjithmonë shaminë e nusēs , kur kuajt ,sipas traditës viheshin në gara vrapimi kush të dilte i pari të fitonte shaminë e nusēs.
Ky kalë i bukur dhe i rrallë dhe pela e Mel Sekut ,ishin më të shpejtit në Plavë e Guci dhe më gjërë .Thonin bashkvendasit ,se këta dy kuaj ishin pjellë nga e njëjta pelê – nënë !
Zymer Haxha Ahmetaj , kujdesej për kalin e tij , si ta kishte gjënë më të shtrënjtë e konsideronte si pjetar të familjes. Nuk mund ta konceptoje Zymerin pa kalin dhe anasjelltas. E mbante me tagji të zgjedhur , e kashaiste , e lante me sapun dhe e mbante me vete ,kudo , ku shkonte. Kali i shkonte nga pas , si qingji manarë ,pasi e ushqente edhe me pafka sheqeri dhe ecte pas të zotit , si me hap ushtarak. Frerin e tij e kishte plot pasqyra rrethuar me rruaza e temina të qendisur nga vajzat vuthjane.
Shteti ,këtë kalë e kishte dekoruar me medalje , si kali më i shpejtë që ua kishte kaluar edhe motorçikletave. Krahrori i kalit me to , zbukurohej.
Prandaj , i dashuri lexuesi im po ju rreshtoj disa vargje epike për kētë kalorës emblematik dhe epik për Trojet tona.
Mendoj , qê do ishte me vlera kulturore e historike që në Shtepinë e kulturës së Vuthajve të vihet edhe fotoja me gjithë kalë e Zymer Haxhes Ahmetaj ,dhe një historik i jetës së tij Etnografija e muzeut dhe e Shtepisë së kulturës do të plotësohej edhe me keto figura popullore me vlera kulturore e historike.
KLORËSI FLUTURUES – VUTHJAN
Përmbi kalë e me fré , në dorë
Me 200 – të e ca – dasmorë !!
S ‘ kish martinas , rugovas , e plavjanë
Që s ‘e therriste në dasma , kalorësin vuthjan
Kurrë , të zotin , s ‘e kish turpëruar !!
Shaminë e nusës n ‘ koçi e kish fituar
Hajt , shqipja e babës ,i vikaste Zymeri
Fluturonte thijnoshi , bëhej tym e veri !!
Gjë më të bukur , se Ai , nuk kishte !
Hingëllinte e t ‘zotin – priste
Pak , me izinxhi , ta prekje në fund të barkut
Ngrihej , hop në mëmbë e ia jepte vrapit !!
Kalë i bardhë , si prej , Maxharie
N ‘ ballë të krushqisë, prej Plavë Gucie
Hipur , t ‘gjithë , mbi kuaj me shalë
Si , prej legjendash , kishin dalë !
Vinin kalorësit , nusën , për ta marrë !
Sa e njihte , gjogu thinjosh të zotin
Si , dikur At ‘ Kastriotin !!
Flutoronte , dhe mbi Kersh të Kalasë
O , t ‘ arrinte n ‘ majë , o do t ‘ pelcasë !!
S ‘ bëhej dasmë e as kish krushqi
Zymer Haxha , me kalin , pa u pri !
Dhe , atje tek Zalli i Koçisë
Do fitonte , shaminë e nusërisë !!
Kur , do vinin krushqit në Shtrënjtë
Sikur , gjëmonin rrufetë e rëtë !!
Përkryekrahut , ia merrtè , Isuf Balia
Kërciste pushka e 7- të herë alltia !!
Me shall të bardhë , si krushk Rugove
Mbi tarabat , kur fluturove
Mbi vraçin e zi , të mixhës Ramë
Krushku më i vogël , i Ademit djalë
Vinin kalorësit , nusën , për ta marrë !!
Zymer Haxha , trim si zana
Si , nder luftra , me 200 – të azgana !
Kush , është ai , o krushku i parë ?!
Flamuri i kuq , që prinë në ballë
Zymer Haxha , mbi gjog , të bardhë !
Si , mbi shalë , fré e izinxhi
Kalorësi fluturues , u ka pri !
Kali im , si djali i hazretit
Thotë Zymeri , – dalë prej – xhenetit !
Kur , hingëllinte kali e merrte – dhenë
Na kujtonte , SKENDERBENË !!
Kur , i vihej shala , e i terhiqëj – freri
Fluturonte , si zgalem , KALORËS Zymeri !
Me , 21 / Maj 2019 – të Novara Itali
MYFTAR GJONBALAJ.
