“Vendoset ndriçimi publik ne Katund te Sirëm ne Vuthaj”
Fal kontributit të bashkëvendësit tonë Kelmend Ahmetaj, për herë të parë është vendosur ndriçimi publik në rrugën kryesore të lagjes Katundi i Sirëm ne Vuthaj. Ishte ky një donacion i Kelemdit për te nderuar veprën dhe jetën e nënës së tij të ndier Trashe.
Siç na tha Kelemndi, ajo gjithmonë ankohej për errësirën në rrugët e fshatit, dhe se ai e bëri këtë akt për të kryer amanetin e saj, me dëshirën që ndriçimi i fshatit të jetë dritë e përjetësisë për nanën tonë te dashur mungesën e cilës e ndiejmë dita ditës e më shumë.
Kelmendi theksoi se ketë kontribut e ka dhënë ai me familjen e tij, me: babain , vëllezërit dhe motrat.
Ndriçimi fillon nga përmendorja e Isuf Kamerit e deri te Gurra. Tashmë janë vendosur 17 shtylla ndriçuese. Është ky një akt i vecantë i Kelmendit në te mirë të fshatit, por edhe vazhdimësi e tij, sepse gjithnjë Kelemndi shquhej dhe dallohej duke kontribuar për te mirën e Vuthjave dhe të trevës sonë ne tërësi.
Të gjithë banorët e Vuthajve i janë mirënjohës Kelmendit për këtë kontribut dhe urojnë qe shpirti i bardhe i Nenës Trashe të ndriçon i qetë në Xhennet./ Plava e Gucia Sot