Zagreb 10 Prill 2018
Ministria kroate e drejtësisë ka konfirmuar sot se nuk do ta ekstradojë tifozin shqiptar Ismail Morina në Serbi.
Morina ishte ndaluar në Kroaci më 2017, me një urdhër arresti të Serbisë nën akuzat se ka nxitur urrejtje kombëtare, me ngritjen e një droni me flamur që përmbante simbole kombëtare shqiptare te Shqipërisë etnike, gjatë një ndeshjeje futbolli ndërmjet Shqipërisë dhe Serbisë në Beograd, në vitin 2014.
Vendimin për mos-ekstradim të Morinës e ka nënshkruar ministri kroat, Drazhen Boshnjakoviq.