Kuvendi i Malit të Zi me 19 janar 2018 ka filluar seancën e parë të jashtëzakonshme për këtë vit me 12 pika te rendit të ditës.Deputetët në ditën e parë te seancës kanë përfunduar debaten mbi Propozimligjin për ndryshimet dhe plotësimet e Ligjit mbi administraten publike dhe Propozimligjin për mbrojtjen e banorëve nga sëmundjet ngjitëse, shkruan TV Teuta.
Të pranishëm në sallë ishin përfaqësuesit e pozitës dhe një pjesë e opozitës. Ajo cfarë është theksuar në këtë mbledhje ishte edhe polemike e ashpër dhe një fjalor tejet i rëndë për një institucion serioz siç është Kuvendi. Poashtu seancen e karakterizoi edhe fjalori fyes i deputetit Millan Knezheviq drejtuar nënkryetarit të Kuvendit të Malit të Zi dhe Forcës, Genci Nimanbegut, i cili në këtë rast po kryesonte seancën. Nënkryetari Nimanbegu, pas një mori diskutimesh procedurale nga ana e opozitës, dhe kërkesës që të mos diskutohet pika e rendit të ditës për shkak të mospranisë së ministrit të shëndetësisë, si kryesues i seancës vlerësoi se ekzistojnë kushtet për të vazhduar debaten sepse e pranishme ishte bashkëpunëtorja e autorizuar për ta mbrojtur propozimligjin në fjalë.
Por kjo situatë shkaktoi revolt tek opozita, konkretisht deputeti Knezheviq, i cili iu drejtua Nimanbegut me fjalët: “…unë mund edhe me doren e djathtë” (ja mogu i desnom rukom), duke aluduar për dorën e majtë që e ka të lënduar nga incidenti në Kuvend, si dhe “…mos luaj këtu rolin e personit të rëndësishëm, kur ta formosh UCK-në, atje luaje këte rol (…”nemoj da izigravas facu ti ovdje, pa kad napravis UCK tamo ces izigravati facu…”). Pas këtyre nderhyrjeve, nënkryetari Nimanbegu dha pauzën e cila zgjati rreth 45 minuta.
Më gjerësisht mund të ndiqni video xhirimin nga TV Teuta: