Malësia e Madhe u ngjit me krenari në skenën e Top Channel, në emisionin “Gurra Popullore”, duke përcjellë para mbarë shqiptarëve madhështinë, shpirtin dhe thellësinë e traditës sonë kombëtare.
Xhubleta e Malësisë së Madhe, simbol i identitetit dhe trashëgimisë sonë shekullore, shkëlqeu në skenë nën tingujt e lahutës – instrument tashmë i njohur si pjesë e trashëgimisë kulturore në UNESCO – duke rikthyer emocionin e rrënjëve tona të lashta.
60 artistë të të gjitha grupmoshave mbushën skenën me energji, pasion dhe dashuri për kulturën shqiptare, duke dhuruar një paraqitje që preku zemrat dhe ngjalli krenari kombëtare.
Nën drejtimin e Florida Peraj, administratore e Njësisë Administrative Kelmend, kjo paraqitje ishte më shumë se një performancë artistike – ishte një thirrje e fuqishme për ruajtjen e identitetit, për trashëgiminë që na bashkon dhe për Malësinë e Madhe si burim i pashtershëm vlerash.
Malësia dëshmoi edhe një herë se tradita jonë nuk është kujtim i së kaluarës, por frymë e gjallë që rreh në zemrat e brezave dhe që do të jetojë përherë me krenari shqiptare. 🇦🇱
