Data e shpalljes: 03.11.2025
Afati i aplikimit: 03.11.2025 – 27.11.2025
Projekti GORA – “Adaptimi ndaj ndryshimeve klimatike dhe rritja e qëndrueshmërisë në zonat malore të Malit të Zi”, shpall thirrjen direkte për aplikim për fermerët dhe prodhuesit bujqësorë në kuadër të Komponentës 1 për vitin 2025.
Kjo thirrje është e hapur për të gjithë banorët e Komunës së Gucisë që merren me veprimtari bujqësore ose synojnë të nisin një aktivitet të tillë, sipas kushteve të përcaktuara më poshtë.
🎯
Qëllimi i thirrjes
Të mbështeten fermerët e vegjël dhe familjet rurale që posedojnë deri në 3 krerë lopë ose nuk kanë fare bagëti (lopë pjellore, dele apo dhi), me qëllim zhvillimin dhe fuqizimin e qëndrueshëm të ekonomive familjare në zonat malore.
✅
Kushtet dhe të drejtat e aplikimit
- Të drejtë aplikimi kanë personat fizikë që banojnë në zonat malore të përfshira në projekt.
- Nuk kërkohet regjistrim paraprak si fermer pranë Ministrisë së Bujqësisë, por aplikantët duhet të regjistrohen deri në realizimin e projektit.
- Aplikimet janë individuale dhe kanë për qëllim zhvillimin e fermave familjare.
🌿
Komponenta 1.1 – Blerja e bagëtive të trasha dhe të imta
Mbështetet:
- Blerja e lopëve pjellore, deleve dhe dhive.
- Investime që ndihmojnë në fillimin ose zgjerimin e prodhimit blegtoral.
Mbështetje maksimale: deri në 2,000 €
Pjesëmarrja e aplikantit: 50% e vlerës së investimit.
⚙️
Komponenta 1.2 – Makineri dhe pajisje bujqësore
Mbështetet:
- Blerja e makinerive, veglave pune dhe pajisjeve të reja bujqësore.
- Investime që ndihmojnë prodhimin dhe përshtatjen ndaj kushteve klimatike.
Mbështetje maksimale: deri në 13,000 €
Pjesëmarrja e aplikantit: 50% e vlerës së investimit.
Kërkohet biznes plan.
🗓
Afati i aplikimit
Aplikimet pranohen nga 03.11.2025 deri më 27.11.2025.
Dosjet e aplikimit duhet të dorëzohen në përputhje me udhëzimet e projektit GORA.
ℹ️
Për informacione shtesë
Për më shumë detaje rreth kushteve, dokumentacionit dhe mënyrës së aplikimit, qytetarët mund të kontaktojnë:
Këshilltarin për Bujqësi në Komunën e Gucisë, zt. Sefë Dedushaj.
📰 /Plava e Gucia Sot