E vetmja pikë furnizimit me derivate për banoret e Plavë Gucisë pompa e vetme e benzinës ne Plave, qe nga muajin nëntor i vitit te kaluar është në renovim. Banoret e kësaj treve janë duke vuajtur si pasojë e këtij renovimit te tejzgjatur dhe te pakuptimtë, sepse kjo pike e vetme furnizimi me derivate jashtë funksionit po i detyron banoret e Plave Gucisë qe të shkojnë për furnizim ne Andrijevicë. Me fjalë të tjera i bie se një banor i Vuthjave nëse do te furnizohet duhet te beje rreth 80km vajtje ardhje për furnizim.
Siç i deklaruan redaksisë se portalit tone disa banore, përpos rrugës te gjatë qe bëjnë, deri ne pompën me te afërt (39Km) Andrijevicë shpesh jemi edhe pré e provokimeve serbo-çetnike të cilët provokojnë me ngritje te tre gishtërinjve.
Mos funksionimi i kësaj pompe te vetme ne prag te sezonit turistik është i pakuptueshëm dhe paraqet skandal ne vete. Habit edhe fakti i heshtjes se organeve kompetente komunale te Plavë Gucisë për këtë çështje, sepse banoret po maltretohen si pasojë e zhagitjes së renovimit, zhagitje kjo qe i kushton shtrenjte banorëve te Plavë Gucisë
Mungesa e gjetjes së një zgjidhje alternative, dhe monopoli i lejuar nga shteti i nje kompanie te furnizimit me derivate po e penalizon një trevë te tërë e në ditët në vijim kur të shtohet fluksi i mërgimtarëve të cilët vijnë për pushime në vendlindje do të shkakton probleme edhe më të mëdha.
Për fund vlen të theksohet se ka pasur tentativa për hapjen e një pompe te benzinës nga një afarist shqiptar i Plave Gucisë, por pengesat institucionale pamundësuan jetësimin e nje nisme te telle, dhe siç po shihet edhe ne rastin konkret monopoli dhe mungesa e konkurrencës e lejuar nga shteti bllokon një treve te tere ne fillimin e ketij sezoni turistik./ Plava e Gucia Sot