Gjatë javës së kaluar në kuadër të punimeve të Asamblesë së KK të Gucisë u mbajt një takim me drejtorin e Shtëpisë së shëndetit të Plavës me ç’rast u shqyrtuan shume aspekte të gjendjes aktuale me pandemi por edhe puna dhe kushtet e punës së personelit mjekësor në rajonin e Gucisë. Në këtë bashkëbisedim pune, në të cilin muar pjesë edhe drejtori i Qendrës Klinike të Plavës Dr Omer Shahmanoviq, u trajtuan shume aspekte te koordinimit dhe te bashkërendimit te angazhimit sa më cilësor te personelit mjekësor ne territorin e komunës se Gucisë.
Pos te tjerash asambleisti Dardan Qosaj ia bëri një kërkesë drejtorit të Qendrës Klinike të Plavës Dr. Shahmanoviq për shqyrtimin e mundësisë të hapjes së një ambulance shëndetësore në Vuthaj, përkatësisht në hapësirat Shtëpisë së Kulturës në Vuthaj. Drejtori i Qendrës Klinike të Plavës premtoi se do të shqyrtohet seriozisht kjo mundësi duke theksuar se me potencialet ekzistuese aktuale kjo mundësi edhe mund te jetësohet nëse ndjekën procedurat e caktuara për te mirën e fshatit Vuthaj dhe të banorëve te saj.
Shpresojmë që së shpejti banoret e Vuthajve do te kenë mundësi, qe se paku një here ne jave, te shkojnë te vizitohen tek mjeku i zgjedhur, kurse te moshuarit do të munden ti marrin terapitë e nevojshme çdo ditë ne ambulancën e fshatit brenda një orari të caktuar./Plava e Gucia Sot