Kryeqendrat shqiptare kanë rënë në letargji apo më mirë të themi në gjumë të thellë dimëror gjersa Ulqinin Ilirik para syve tanë tentojnë ta gllabërojnë ata të cilët e okupuan 140 vite me parë. Vallë, ç’është kjo neglizhencë e indiferencë e shteteve tona që për 6% shqiptarë në Mal të Zi heshtin? Pse nuk koordinohen dhe nuk bashkërendohen politikat zyrtare të shteteve tona për interesa të përbashkëta kombëtare, dhe ja para syve tanë lejohet shtetit malazias që në mënyrë institucionale defaktorizon faktorin politik shqiptar me qëllim që sa më letë të implentohen politikat shkombëtarizuese dhe asimiluese kundër shqiptarëve ne Ulqin. Valle si është e mundur qe Serbia për 4% serb ardhacak në Kosovë investon me qindra miliona euro, bënë ndikim të drejtpërdrejtë në unifikimin e serbeve, cenon dhe shkel rendin kushtetues të Kosovës derisa shtetet tona karshi vëllezërve të vet autokton në trojet e tyre stërgjyshore heshtin.
Qendrat kyçe të vendosjes për ne shqiptaret : Tirana dhe Prishtina duhet të alarmohen për mos të na përsëritet sindromi i Tuzit edhe ne Ulqin. Me mosangazhimin e tyre direkt apo indirekt shtetet tona po bëhen promotore të vazhdimit të asimilimit së bashku me mashat e tyre shqipfolëse në Mal të Zi.
ULQINI THËRRET ME 4 SHKURT SHQIPTARINË
Me 4 shkurt 2018 ne Ulqin mbahen zgjedhjet lokale, ku shpresojmë që partitë shqiptare të dalin ngadhënjimtare sepse çdo alternativë tjetër është e pa pranueshme.
Ulqini qytet shqiptar me rrënjë të lashta Ilire, port i lasht i anijeve të pamposhtura Liburna të Gencit e Teutës të dëshmoj edhe njëherë se të tillë ishin e të tillë do të mbesin, të votojnë vetvetën e jo të votohen ata të cilët me dhunë e okupuan këtë pjesë të atdheut me ndihmën e Rusisë cariste.
Vëllezër ulqinakë, më 4 shkurt mos bini pre e lojërave të orkestruara në Podgoricë por le të jetë 4 shkurti dita kur vota e çdo shqiptari do të shkoj vetëm për parti nacionale shqiptare dhe për askënd tjetër. Ulqinin Ilirik me 4 shkurt thërret zërin e ndërgjegjësimit dhe të vetëdijsimit dhe apelon tek të bijtë e vet që të janë vigjilent dhe mos ti shesin interesat kombëtare për demagogjitë e servilëve shqipfolës dhe pa identitet.
MË 4 SHKURT E GJITHË SHQIPTARIA ME ULQINI NË FITORE!