Jakov Milatoviq që do të jetë president i ardhshëm i Malit të Zi, pasi më 2 prill fitoi zgjedhjet presidenciale duke e mposhtur Milo Gjukanoviqin, në adresimin e tij të parë tha se këtë moment e kanë pritur se 30 vjet.
Në kampin e tij të fitores ishte prezent edhe kryeministri në detyrë i Malit të Zi, Dritan Abazoviq.
Ai uroi që fitorja e tij të jetë e pajtimit në mes qytetarëve, në kohën kur Mali i Zi është përballur me kriza të shumta politike.
Sipas tij, Mali i Zi e ka bërë një hap përpara.
“Populli i tha një lamtumirë vendimtare regjimit të vjetëruar Gjuaknoviq dhe bëri një hap përpara drejt një Mali të Zi më të pasur, më të ndritshëm, më të barabartë, të përjetshëm dhe evropian. Paç fat për ne”, ka deklaruar ai.
Sipas tij, kjo është “forca e Malit të Zi të përbashkët”.
“Ky është Mali i Zi i të gjithë neve, i të gjithë qytetarëve që e kanë pritur këtë fitore të përbashkët. Kjo është arsyeja pse është kaq e madhe dhe historike”, ka deklaruar ai.
Ai kishte fjalë të rënda për Gjukanoviqin, duke e cilësuar si të lidhur me krimin.
“Dhe lidhja e krimit dhe korrupsionit me politikën në Mal të Zi. Kurrë më. Dhe i thamë një mbrëmje të madhe dhe një ditë të mirë për një Mal të Zi më të pasur, të përbashkët, të suksesshëm dhe evropian”, tha presidenti i ardhshëm i Malit të ZI.
Ai falënderoi të gjithë qytetarët që dolën dhe votuan dhe kështu “i shtuan legjitimitet këtij procesi demokratik”.
“Sonte ne e lëmë të kaluarën në të kaluarën. Ne po ecim fuqishëm drejt së ardhmes. Kjo është një ditë historike për të gjithë ne”, tha Milatoviq.
Ai u bëri thirrje të gjithëve që sonte “të festojnë me dinjitet fitoren”.
Ai tha se “zemra e tij është e madhe për këtë besim të madh” dhe premtoi se “ai do të jetë me të vërtetë president i të gjithë qytetarëve të Malit të Zi”.
“Ata nuk do të na varfërojnë kurrë, nuk do të na ndajnë dhe do ta robërojnë shtetin me krimin dhe korrupsionin. Të gjithë së bashku thamë sonte se Mali i Zi po ecën përpara, se po shkon drejt pasurisë, drejt tokës së drejtësisë, pajtimit dhe bashkimit. “Unë, si president i Malit të Zi, së bashku me të gjithë ne do ta sjellim Malin e Zi në BE në pesë vitet e ardhshme”, premtoi ai.
Gjithashtu, shtoi ai, se “nuk do të ketë më kurrë grindje nga Mali i Zi ndaj asnjë vendi të Ballkanit Perëndimor”.
“Mali i Zi dëshiron marrëdhënie më të mira me të gjitha vendet e Ballkanit Perëndimor. Ne duam harmoni dhe përparim të përbashkët në Ballkanin Perëndimor evropian”, theksoi Milatoviq.
“Sundimi i ligjit, ekonomia dhe integrimi evropian. Këto janë prioritetet tona kryesore. I thamë lamtumirë regjimit katastrofik dhe diktatorit të fundit në Evropë”, ka deklaruar ai