Propozimi i shumicës parlamentare që lideri i DEMOS-it, Miodrag Lekiq të jetë mandatar për përbërjen e qeverisë së re, nuk ka bazë në Kushtetutë, tha presidenti i Malit të Zi, Millo Gjukanoviq. Në fillim të kësaj jave, anëtarët e shumicës parlamentare i dorëzuan Gjukanoviqit 41 nënshkrime mbështetjeje për kandidaturën e Lekiqit, ndërkohë që njëri nga liderët e Frontit Demokratik (FD), Andrija Mandiq, i bëri thirrje Gjukanoviqit që të fillojë konsultimet e reja me përfaqësuesit e partive parlamentare shumicë për kandidatin. Në përgjigje, Gjukanoviq thekson se Mandiq, si dhe opinioni malazez dhe ndërkombëtar, është në dijeni të qëndrimit të tij për ndryshimet jokushtetuese të Ligjit për Presidentin, si dhe opinionin e Komisionit të Venecias, Bashkimit Evropian dhe partnerëve të tjerë relevantë ndërkombëtarë. mbi ligjin në fjalë. “Prandaj, nuk kam ndërmend të marr pjesë në zbatimin e ligjit që bie në kundërshtim me Kushtetutën e Malit të Zi”, tha Gjukanoviq. Ai tha se nuk ka ndërmend të kundërshtojë as pretendimet për mbështetjen e shumicës për Lekiqin. Gjukanoviq tha se, si gjithmonë, është i hapur për dialog politik të ndershëm, parimor, gjithëpërfshirës dhe të bazuar në standarde demokratike për këto çështje, duke respektuar radhën e temave prioritare të listuara në letrën e Mandiqit.
Gjukanoviq: Propozimi që Lekiq të jetë mandatar nuk ka bazë në Kushtetutë
