Këshilli Kombëtar i Shqiptarëve në Malin e Zi ka përcjellë një mesazh urimi me rastin e festës së Fitër Bajrami, duke uruar besimtarët e fesë islame për paqe, shëndet dhe begati.
Në mesazhin e tyre, ky institucion vë në pah rëndësinë e muajit të Ramazani, si një periudhë përkushtimi, reflektimi dhe solidariteti ndërmjet njerëzve. Sipas tyre, kjo periudhë ka shërbyer për forcimin e lidhjeve shpirtërore dhe për rritjen e ndjenjës së kujdesit ndaj të tjerëve.
Me rastin e Fitër Bajrami, theksohet se kjo festë përçon mesazhe të fuqishme të mëshirës, faljes dhe unitetit, duke afruar familjet dhe komunitetin në një atmosferë harmonie dhe gëzimi.
Në fund të mesazhit, Këshilli Kombëtar i Shqiptarëve në Malin e Zi u ka uruar të gjithë besimtarëve: “Gëzuar Fitër Bajramin!”, duke shprehur dëshirën që kjo festë e bekuar të sjellë mirësi dhe begati në çdo familje.