Për shkak të interesimit të mediave dhe interpretimeve të ndryshme publike në lidhje me vendimin e Forumit Shqiptar për Marrëveshjen mes Malit të Zi dhe EBA (Emirateve të Bashkuara Arabe), për të cilën Kuvendi ende nuk është deklaruar, informoj publikun se Forumi Shqiptar nuk ka marrë ende një vendim përfundimtar lidhur me këtë temë.
Ne do ta trajtojmë këtë temë me seriozitet të plotë, ashtu siç gjithmonë i kemi trajtuar temat që i takojnë vendit dhe gjithë shoqërisë.
Atë do ta diskutojmë në organet më të larta të forumit tonë dhe si gjithmonë do ta informojmë publikun menjëherë, hapur, saktë dhe qartë për qëndrimet e marra.
E kemi theksuar vazhdimisht se nuk jemi kundër investimeve. Përkundrazi.
Por gjithashtu besojmë se ato duhet të jenë në radhë të parë në përputhje me interesin publik dhe duhet të nënkuptojnë përfshirjen e drejtpërdrejtë të komuniteteve lokale si dhe një proces vendimmarrës ku ato kanë rolin kryesor.
Kjo është sipas standardeve evropiane dhe forma më e drejtë dhe korrekte.
Në seancën e Qeverisë ku u diskutua për këtë, ministrat tanë e mbështetën marrëveshjen, e cila dërgoi mesazhin se dëshirojmë investime dhe bashkëpunim me Emiratet dhe presim që të pranohen edhe konkluzionet e Komunës së Ulqinit.
Kemi garanci se ketë konkluzione do të pranohen dhe presim që deri në votim në Kuvendin e Malit të Zi të kemi një qëndrim të zyrtarizuar të Qeverisë së Malit të Zi dhe Komunës së Ulqinit.
Sigurisht që do të kemi një mendim edhe për opsionin e kundërt!
Artan Çobi
Kreu i Klubit Parlamentar të Forumit Shqiptar