Njoftojmë të gjithë artdashësit se me datat 04 dhe 05 tetor do ta nisë edicionin e tij të parë Festivali Ndërkombëtar i Prozës “FICTION FEST”. Është festivali i parë i kësaj natyre në vendin tonë, duke qenë se i dedikohet vetëm prozës artistike dhe jo formave të tjera të shkrimit letrar.
Në të do të marrin pjesë emra të njohur e të respektuar të letërsisë shqipe dhe asaj të përbotshme. Në edicionin e parë do të na nderojnë me pjesëmarrjen e tyre këta shkrimtarë: Rexhep Qosja, Donika Dabishevci, Srdjan Tesin, Virion Graçi, Stefan Boshkoviq, Dimitar Samardjev dhe Almira Gashi.
“FICTION FEST” do t’i ketë dy net dhe do të mbahet në Prishtinë në ambientet e Bibliotekës Kombëtare të Kosovës “Pjetër Bogdani”.
Nata e parë:
Shkrimtarët lexojnë:
- Srdjan Tesin,
- Donika Dabishevci,
- Stefan Boskovic,
- Virion Graçi,
- Dimitar Samardjev,
- Almira Gashi.
Vendi: Biblioteka Kombëtare e Kosovës “Pjetër Bogdani”- Prishtinë
Data: 04. 10. 2018
Ora: 20:00-21:30
Nata e dytë:
Mbrëmje me shkrimtarin Rexhep Qosja
- Fragmente nga romane të Rexhep Qosjes do të lexohen nga aktori Faris Berisha,
- Diskutim me autorin.
Vendi: Biblioteka Kombëtare e Kosovës “Pjetër Bogdani”- Prishtinë
Data: 05. 10. 2018
Ora: 18:00-19:30
Festivali Ndërkombëtar i Prozës “FICTION FEST” u mbështet materialisht nga Ministria e Kulturës, Rinisë dhe Sportit (MKRS), u sponsorizua nga TELEKOMI I KOSOVËS (telefonia mobile “Vala”), ndërkaq partnerë të tij medialë janë Gazeta online “Insajderi” dhe Gazeta online “Observeri’.
Jeni të mirëseardhur!
Me respekt!
Saranda Buzhala-
koordinatore e Festivalit Ndërkombëtar
të Prozës “FICTION FEST”.