New York 11 Mars 2018
Ish luftëtarët e Batalionit Atlantiku dhe veprimtar të komunitetit bënë homazhe sot pranë varreve të Tre Vëllezërve Bytyçi, Ylli, Agronit dhe Mehmet Bytyçit, dhe vendosën kurora me lule te varret e tyre qe gjenden ne Yonker NY : Manifestimi në nderim të Epopesë së Ushtrisë Çlirimtare të Kosovës (UÇK), dhe rënies së Komandantit legjendar Adem Jashari, Familjes Jashari dhe të gjithë dëshmorëve të kombit, u mbajt nën organizimin e Shoqatës së Batalionit Atlantiku me një ceremoni përkujtimore në varrezat e tre vëllezërve.
Tre Vëllezërit Bytyqi, pjesëtar te UCK-se nga Amerika u vranë 19 vjetë më parë barbarisht nga forcat serbe, pas përfundimit te luftës ne Kosovë.
Me pjesëmarrje e tyre këtë manifestim e nderoj ambasadorja e Kosovës, Teuta Sahatçiu e cila mbajti edhe nje fjal rastit, po ashtu folës ishin komandanti i Batalonit Atlantiku z Gani Shehu dhe gazetari Gjeke Gjonlekaj.
Ky manifestim u përmbyll mbyllë me një koktej në mjediset e Hotelit Royal Regency , përndryshe Hotelit Royal Regency është edhe vendi ku 19 vjetë më parë, do të nisej për të luftuar në Kosovë Batalionit Atlantiku, për lirinë dhe çlirimin e saj, me luftëtarët shqiptarë nga Amerika.
/Plava e Gucia Sot
