Më Mal të Zi, në mesin e sezonit turistik janë të regjistruar vetëm rreth 15.000 turistë, që është 92 për qind më pak në raport me periudhën e njëjtë të vitit të kaluar, tregojnë të dhënat të Organizatës turistike nacionale. Pronarët e hoteleve dhe apartamenteve i kanë përgjysmuar çmimet, në mënyrë që të tërheqin vizitorët, por situata nuk ka përmirësim. Mbyllja e kufijve me vendet fqinje dhe kufizimet për hyrjen e vizitorëve nga disa vende evropiane, e kanë mbytur edhe atë shpresë të pakët për një sezon sadopak normal turistik.
Numri i vizitorëve gjatë fundjavës pëson njëfarë rritjeje si pasojë e dyndjes së banorëve vendas në qytetet bregdetare, por ndikimi financiar është minimal dhe i pamjaftueshëm për të zëvendësuar të ardhurat e zakonshme. Sido që të vazhdoj situata, Malin e Zi e pret një dimër i ftohtë ekonomik.