Presidentja e Kosovës, Vjosa Osmani ka udhëtuar për Podgoricë ku do të merrë pjesë në Procesin e Bashkëpunimit të Evropës Juglindore, raporton RTKlive.
E para e shtetit tashmë ka mbërritur në vendin ku do të mbahet samiti në Podgoricë, ku është pritur nga presidenti i Malit të Zi, Jakov Milatoviq.
Gjatë samitit delegacionet e 13 shteteve pjesëmarrëse do të diskutojnë për paqen, sigurinë, stabilitetin e zhvillimin politik e ekonomik të vendeve të rajonit.
Presidentja e Kosovës, Vjosa Osmani ka udhëtuar për në Podgoricë ku është pritur nga presidenti i Malit te Zi, Jakov Milatoviq. Presidentja e Kosovës, Vjosa Osmani do të merrë pjesë në Procesin e Bashkëpunimit të Evropës Juglindore (SEECP).
https://www.facebook.com/watch/?v=120195437750991
Osmani merr pjesë në Samitin e vendeve të Evropës Juglindore
Fadil Sertolli /RTKlive 07:40 / 27.06.2023
Presidentja e Republikës së Kosovës, Vjosa Osmani Sadriu, ka udhëtuar për në Podgoricë, Mal të Zi, për të marrë pjesë në Samitin e krerëve të shteteve të Procesit të Bashkëpunimit të Evropës Juglindore (SEECP).
Sipas një njoftimi për media nga Presidenca e Kosovës, bëhet e ditur se në këtë Samit, presidentja Osmani do t’i bashkohet krerëve të 13 shteteve për të biseduar rreth thellimit të bashkëpunimit me vendet e rajonit dhe partnerët ndërkombëtarë për përshpejtimin e perspektivës evropiane të rajonit, garantimin e paqes, sigurisë dhe stabilitetit në rajon, si dhe promovimit të bashkëpunimit ekonomik dhe zhvillimit të qëndrueshëm.