Nga prof. Dr Naser FEERI
Profesori Anton ishte shkolluar ne Tirane e Korçë, ndërsa më vonë ishte profesor në Falkultetin Filozofik të Beogradit, njëri nga themeluesit e Universitetit të Prishtinës, punonjës shkencor në Institutin Albanologjik të Prishtinës, shkrimtar, mbledhês i folkorit e mbi te gjitha patriot e veprimtar i kauzes kombëtare.
Në vitin 1990 iu ishte bashkangjitur Lëvizjes për Pajtimin e Gjaqeve, Plagëve e Ngatërresave ku luajti rolin kryesor ne faljen 1169 gjaqeve, 477 plagëve dhe 865 ngatërresave përkunder faktit qe me modesti thoshte:”Rinia po i pajton gjaqet.Ne, me të vjetrit jemi vetem si hudhëra, per mësysh”.
Për një kohë të gjatë ka punuar ne Degen e Folklorit te Institutit Albanologjik, ku edhe pse i pensionuar, kishte ardhur në mbrojtje të punonjësve të Institutit nga dëbimi i dhunshëm dhe me 8 mars 1994 u rrah (në moshën 74 vjeçare) brutalisht nga policët dhe paramilitarët serbë bashkë me akademikët Idriz Ajetin e Rexhep Qosjen, me drejtorin e Institutit dr.Sadri Fetiun dhe me të gjithë neve punonjësve të Institutit të cilët kishim dal në mbrojtje të Institutit
Profesori Anton vdiq më 4 nëntor 1995 në Prishtinë dhe u varros ne Prizren.
Pas veti ka lënë 16 vepra të botuara, një numër të madh studimesh nëpër revista të ndryshme shkencore, dy vajza me mrekullueshme: Donikën e Agatën dhe emrin e autoritetin e tij që nuk harrohet.
Për mua personalisht ishte nder e kënaqësi që e pata koleg e mik ne Institut Albanologjik dhe shok të peshkimit (bashkë me Dr.Daut Bislimin e Mr.Bahtir Shehollin) në kohë të lirë.
Lavdi personalitetit e veprës së Profesorit Anton Çetta.
Foto 1-Profesori Anton në fushatën e pajtimit të gjaqeve,
Foto 2-Me vajzën e tij Donikën
